АНУ-ын Небраск-Линкольнын их сургуулийн профессор, шавж судлаач Бретт Рэтклифф шинэ төрлийн гурван цох хорхой илрүүлсэн байна. Тэрээр шинэ төрлийн цох хорхойнуудаа шинжлэх ухааны нэршилд бүртгүүлэхдээ “Drogoni”, “Rhaegali”, “Viserioni” хэмээн бүртгүүлжээ. Эдгээр нэр нь Английн зохиолч Жорж Р.Р.Мартины “Гал мөсний дуун” зохиолоос сэдэвлэн бүтээсэн “Game of thrones” буюу “Хаан ширээний тоглоом” кинонд гардаг Дейенерис Таргариены гурван лууны нэрийн латин хувилбар юм.
Шавж судлаач Бретт Рэтклифф дээрх цувралын үнэнч шүтэн бишрэгч бөгөөд яагаад энэ нэрнүүдийг өгсөн талаараа тайлбар хийсэн байна. Тэрээр “Одоо ч гэсэн хүн төрөлхтөнд танигдаагүй амьтдын төрөл зүйл олон байгаа, тэднийг хайрлаж хамгаалах хэрэгтэй. Ингэхийн тулд тэдгээр амьтныг сонирхож судлах ажлыг дэмжиж, олон нийтэд таниулах нь чухал гэсэн үүднээс олны анхаарлыг татах нэр сонгосон” гэжээ.
Шинэ төрлийн цох хорхойнууд Колумб, Эквадороос, мөн Францын эзэмшлийн Гайанагаас олдсон байна.
