Германы алдарт загвар өмсөгч, хөтлөгч, продюсер 45 настай Хайди Клум Tokio Hotel хамтлагийн хөгжимчин 29 настай Том Каулитца нар сүй тавьсанаа өөрийн сошил хуудсаар мэдэгджээ.
Хосуудын дурлалын түүх өнгөрсөн хавраас олны нүдэнд ил болсон. Тэдний насны зөрүү эргэлзэхэд хүргэж байсан ч ийнхүү сүй тавьжээ. Хайдигийн үнэнч шүтэн бишрэгчид “сахиусан тэнгэр”-ийг жинхэнэ хайр дурлалаа олсон гэдэгт итгэлтэй байгаа гэнэ.
Зул сарын баярын өмнөх үдэш гэрлэх санал хүлээж авсан бүсгүй Томын бэлэглэсэн сүйн бөгжийг зүүсэн зургаа өөрийн хуудсанд тавьж “Би тийм гэж хэлсэн” хэмээн нийтэлсэн байна.
Хайди Клумын өмнө нь үсчин Рик Пипино, дуучин Сил нартай гэрлэж байсан бөгөөд дөрвөн хүүхэдтэй билээ. Хэрвээ тэд хуримаа хийвэл Хайдигийн хувьд гурав дахь гэрлэлт болох юм. Хайр сэтгэлд нас бол зүгээр тоо гэдгийг хосууд дахин баталлаа.
