МАН-ын гишүүд дэмжигчдийн анхдугаар их хурал УДЭТ-т болж байна. Тус хуралд МАН-ын 300 гаруй гишүүн болон дэмжигчид өөрсдийн санал бодлыг намын удирдлагуудад танилцуулжээ. УИХ-ын гишүүн Б.Бат-Эрдэнэ, Ж.Мөнхбат нар Их хуралд оролцож, хуралдааныг МАН-ын Хяналтын ерөнхий хорооны дарга Х.Болдмандал даргалж байна. Тус хуралд МАН-ын 300 гаруй гишүүн болон дэмжигчид өөрсдийн санал бодлыг намын удирдлагуудад танилцуулсан байна. Тухайлбал, Сэлэнгэ аймгийн МАН-ын гишүүн н.Чулуун-Эрдэнэ

-Эрхэм хүндэт ЖДҮ-чид ээ. Та нараас болж бид иргэдийн өмнө хэлэх үггүй болчихлоо. Та бүхнийг улс орноо хөгжүүл гэж сонгосноос, идэж уу гэж саналаа өгөөгүй. Улс орны хөгжил дэвшлийн бодлогыг зангидаж, удирдан залаасай гэж та бүхэнд итгэсэн. Х.Эрдэнэбатын засгийн газрын үед эдийн засаг тогтвортой, төрийн ажил хэвийн явагдаж байсан. Гэтэл та бүхний албан тушаалын төлөөх хэрээс хэтэрсэн үйлдлээс болж өнөөдрийн нөхцөл байдал үүсээд байна. Та бүхэн иргэдийн намд итгэх итгэлийг мохоолоо.

Төв аймгийн Батсүмбэр сумын намын хорооны ахмад гишүүн н.Банзрагч: 

Би МАН-д элсээд 62 жил болж байна. Намд элсэхдээ хоёр хүний батлан даалттай, нэг жилийн хугацаат орлогчтой байх үе. Харин одоо МАН залуу гишүүдтэйгээ хамтарч ажиллахаа больсон байна. Би У.Хүрэлсүхэд хэлмээр байна. Намын ажлын цэргийн дэглэмээр удирдахгүй. Анх 65 гишүүн сонгогдоход баярлаж байсан бол одоо би ичиж байна.

 МАН-ын гишүүн н.Ганзориг: 

МАН-д ард түмэн өдийг хүртэл итгэж ирсэн. Гэхдээ өнөөдөр намын гишүүд, дэмжигчдийн бухимдал туйлдаа хүрч байна. Ноёдын зодоон, эрх ашгийн зодоон, нэгийгээ хэвлэл мэдээллээр намнадаг зодооноос чинь ард түмэн залхаж байна. Энэ МАНАН сүүлдээ аймаг, сум баг руу орж эхэлсэн. Намын гал тогоо барьж байгаа дарга нарт хариуцлага, сахилга бат гэж алга. Та нарын энэ байдлыг сөрөг хүчин ашиглаж эхэлж байна. Тиймээс их хуралд байгаа хүмүүс эв эетэй байж үлдсэн хоёр жилдээ олон ажил хийж амжуулах ёстой... гэх мэтчилэн үгээ хэлж, санал бодлоо илэрхийлжээ. 

МАН-ын гишүүд, дэмжигчдийн Их хурал үргэлжилж байна.