Британийн Саутгемптон хотын “Sunnyfields” фермийн ажилтнууд домогт рок дуучин Оззи Осборны хөргийг хулуугаар бүтээж, Гиннессийн дээд амжилтын эзэд боллоо.

Хэллоуины баярт зориулан бүтээсэн энэхүү урлагийн ажил нь 212 квадрат метр талбайг хамарсан бөгөөд зөвхөн хулуу болон хурган гуагаар шигтгэсэн байна.

Гиннессийн дээд амжилтын номын шинжээчид бүтээлийн хэмжээг баталгаажуулсны дараа Осборны гэр бүл нээлтэд хүрэлцэн иржээ. Тэд энэхүү бүтээлийг хөгжимчний амьдрал, урлагийн өвд зориулсан онцгой хүндэтгэл хэмээн онцолсон байна.

Домогт “Black Sabbath” хамтлагийн үүсгэн байгуулагч, рок урсгалын бэлгэдэл болсон Оззи Осборн энэ оны долоодугаар сарын 22-нд 76 насандаа таалал төгссөн юм.