Өнгөрч буй онд Оросын Дотоод хэргийн яамны ажилтнууд хамгаас ихээр авлигын хэрэгт өртсөн тухай Оросын Мөрдөн байцаах товчооны албан ёсны төлөөлөгч Светлана Петренко мэдэгдсэнийг "Интерфакс" агентлаг дамжуулав.

Дотоод хэргийн яамны 790 албан хаагчид хэрэгт татагджээ. Авлигын гэмт хэрэгт татагдагсдын хоёрдугаарт, депутатууд нэрлэгдсэн бөгөөд тэднээс 502 хүнийг мөрдөн байцааж байна. Авлигын хэрэгт татварын албаныхан хамгийн багаар холбогдсон бөгөөд тэдний тоо нь 18 хүн болов.

Авлигын гэмт хэрэг хамгийн олонтой бүс нь Челябинск муж болсон ба тэнд 639 эрүүгийн хэрэг нээжээ. Түүний  дараа нь Татарстан 459 хэрэгтэйгээр бичигдээд гуравт нь 421 хэрэгтэй Москва бичигджээ. 2018 оны эхнээс Орост нийтдээ авлигтай холбоотой 25 мянган хэрэг бүртгэгдсэн нь өнгөрсөн оныхоос 0,6 хувиар их байна.

Сануулахад арванхоёрдугаар сарын 9-нд Авлигаас татгалзах олон улсын өдөр тэмдэглэгдлээ. 2003 оны тэр өдөр Мексикт авлигын эсрэг НҮБ-ын конвенцид гарын үсэг зурагджээ.

М.Цогт