Нар, сар хиртэх нь байгалийн ерийн л нэг үзэгдэл боловч зурхайчид үүнийг аюултай үзэгдэл гэж үздэг. Энэ үед хүмүүсийн амьдралд томоохон өөрчлөлт орж мэднэ гэж байна. Ирэх 2019 онд нар сар хиртэх үзэгдэл таван удаа тохиох нь хүмүүсийн амьдралд ямар нэг өөрчлөлт, хямрал дугуулж болзошгүй хэмээн зурхайчид өгүүлжээ. Энэ өдрүүдэд элдэв осол, амиа хорлох явдал ч ихэсдэг гэнэ. Хүмүүс нойргүйдэж, тайван байдлаа алдах, улмаар элдэв өвинчд өртөх магадлал өндөр. Энэ өдрүүдэд алсын аянд мордох, их хэмжээний мөнгөний ажил хийх, олон нийтийн цуглаан арга хэмжээнд оролцохгүй байх нь өлзийтэй гэж зурхайчид зөвлөж байна.
Нэгдүгээр сарын 6. Энэ өдөр нар хагас хиртэхийг Номхон далайн бүсийн хойд хэсэг, зүүн өмнөд Сибирь, Камчатка, Сахалин, зүүн өмнөд Азийн орнуудад сайн ажиглаж болно. Энэ долоо хоногт хүмүүс бүхийл ажлаа хойш тавилгүйгээр амжуулах хэрэгтэй. Ямар нэгэн таагүй үр дагавар тохиож мэднэ.
Нэгдүгээр сарын 21. Сар бүтэн хиртэнэ. Америк, Африк, Европын орнууд, оросын төв болон өмнөд хэсгийн оршин суугчид байгалийн энэ үзэгдлийг ажиглах боломжтой. Энэ үеэр ажлаа солих, гэр бүл салах, өөр газар шилжин суурьших явдал нэмэгдэж магадгүй гэнэ. Ямар нэг хурц үйл явдлад оролцох хэрэггүй, өнгөрсөн бүхнийг мартах ёстой.
Долдугаар сарын 2. Нар бүтэн хиртэнэ. Номхон далайн бүс, ялангуяа Чили Аргентины оршин суугчдад илүү ажиглагдана. Нар хиртэхийн өмнөх гурван өдөрт хүмүүсийн амьдралд огт төлөвлөөгүй үйл явдал тохионо. Энэ үеэр том ажил битгий төлөвлө. Дотоод итгэл үнэмшилтэй байж, хорт зуршлуудаасаа салах, зарим дадал хэвшлээ сольж өөрлөхөд таатай.
Долдугаар сарын 17. Сар хагас хиртэнэ. Умард Америк, Оросын Камчатка, чукоткад илүүтэй ажиглагдана. Хүмүүсийн түрэмгий байдал эргэн тойрныхондоо нөлөөлж, тэднийг гомдоож болзошгүй. Өөрийг тань номдоосон хүмүүст өс санах хэрэггүй, магадгүй бүр илүү хохирох ч юм бил үү. Нөхцөл байдлыг үнэлж, сөргөлдөөнөөс гарах, сэтгэл хөдлөлөө барьж байхыг зөнчид сануулж байна.
Арванхоёрдугаар сарын 26. Нар цагираглан хиртэнэ. Энэ үзэгдэл Ази, Австрали, оросын Өвөр байгаль, Приморийн хязгаарын оршин суугчид сайн ажиглах боломжтой. Өнгөрсөндөө биш ирээдүйг харж, олон сайн сайхан зүйлийг бод. Шийдвэрлэж дуусгаагүй бизнесийн болон ажил хэргийн, хувийн харилцааны зүйлээ гүйцээ.
Х.Өлзийбаяр
