Ерөнхий сайдыг өөрийн хүсэлтээр огцрох өргөдлөө 48 цагийн дотор өгөхгүй бол Засгийн газрыг огцруулах бичигт гишүүдийн гарын үсгийг цуглуулна гэдгээ УИХ-ын гишүүн Н.Номтойбаяр гурав хоногийн өмнө мэдэгдсэн билээ. Түүний хэлсэн хугацаа өчигдөр дууссан тул өмнө хэлсэн байр сууриа өөрчилсөн эсэх талаар Н.Номтойбаяр гишүүнээс тодрууллаа. Н.Номтойбаяр:

- Ерөнхий сайд У.Хүрэлсүх ЖДҮХС-тай холбогдсон талаар мэдээлэл хийсэн, ХОМ-тээ байгаа хөрөнгийн эх үүсвэрийг нотлох шаардлага тавьсан. Ерөнхий сайдад өгсөн 48 цагийн хугацаа өчигдөр 13:30 цагт 48 цагт дууссан. Тиймээс У.Хүрэлсүхийг Ерөнхий сайдаар ажиллах ёс зүй, хуулийн боломжгүй гэж үзээд огцруулах шаардлагад гарын үсэг зуруулах ажлыг эхлүүлээд явж байна. Энэ талаар албан ёсны мэдээллийг ирэх Даваа гарагт хийнэ. Мөн нэмэлт мэдээллүүд өгнө гэв.