Өөрийг нь төрийн тэргүүнээр дахин сонгогдоход саад болохыг оролдож байна гэж Боливын ерөнхийлөгч Эво Моралес АНУ-ыг буруутгалаа. Боливын өнөөгийн ерөнхийлөгч Эво Моралес, дэд ерөнхийлөгч Альваро Гарсии нарыг 2019 оны нэгдүгээр сард болох анхан шатны сонгуулиар дахин дөрөвдэх удаагаа нэр дэвшихийг Боливын Дээд шүүх арванхоёрдугаар сарын эхээр зөвшөөрсөн юм.
“2002 онд АНУ манай нэр дэвшигчдэд садаа хийхийг оролдож байсан шигээ өнөөдөр ч бас ийм үйлдэл гаргаж байна” гэж Моралес Twitter-тээ бичсэн байна.
Тэр бас АНУ үүний өмнө өөрийг нь “Осама бен Ладен болон талибуудтай” харьцуулан тусламжаа хорогдуулахаар заналхийлж байсан гэж онцолсон байна.
2016 оны хоёрдугаар сард Боливт Үндсэн хуулиа өөрчилж Моралесыг дөрөвдэх удаагаа сонгогдож болох эсэх асуудлаар бүх нийтийн санал асуулга болсон юм. Тэгэхэд үүнийг эсэргүүцэгчид 51,3 хувийн санал авсан бол Моралесын талынхан арай бага 48,7 хувийн санал авчээ. Гэсэн ч 2017 оны арваннэгдүгээр сарын 28-нд Боливын Үндсэн хуулийн шүүх санал асуулгын дүнг худал гэж зарлаад үүрэг гүйцэтгэж байгаа ерөнхийлөгчийг 2019 оны сонгуульд дөрөв дэх удаа нэр дэвшихийг зөвшөөрсөн юм.
