Украинчууд Владимир Ильич Лениний бүх хөшөөг хараахан буулгаж амжаагүй л байна. Николаев хотод Лениний нэг хөшөө өнөө болтол байсаар байгааг нутгийн оршин суугчид яахаа мэдэхгүй өнөө хүрчээ. Хэргийн учир нь хөшөө “Коммунар” хэмээх цогцолборын өмнө байдаг, энэ газрын эзэн нь хөшөөг буулгахаас татгалзсан учраас ийн өнөө хүрч байгаа юм байна. Хотын “Завод” дүүргийн тэргүүн Виктор Дмитрук коммунизмын бэлгэ тэмдэг болсон зүйлсийг хэрэглэх, түгээхгүй байх хуулийг хэрэгжүүлэхийн тулд хөшөөг яахаа мэдэхгүй байгаа гэнэ. Тэр “Энэ ингээд байж л байдаг, бид хажуугаар нь яваад л, яаж ч чадахгүй л байна” гэжээ.

Хотын даргын нэгдүгээр орлогч Владимир Крыленко ч  хөшөөг яаж хуулийн дагуу буулгаж устгах талаар асуудал боловсруулахыг албан тушаалтнууддаа өгсөн гэнэ.

Х.Өлзийбаяр