Умард Солонгост хүний эрхийг удаа дараа системтэйгээр зөрчиж байна гэж НҮБ-ын Ерөнхий ассамблей тогтоол гаргалаа. Баримт бичигт Умард Солонгос хүнийг тамлаж байгаад сэтгэл түгшиж байна гэжээ.

НҮБ-ын Ерөнхий ассамблей “БНАСАУ-д хүний эрхийг бүдүүлгээр зөрчих явдал өргөн дэлгэрч, удаан хугацааны туршид үргэлжилсээр байна” гээд энд тамлах, өөр бусад хүмүүнлэг бус харгис аргаар залхаан цээрлүүлэх арга хэрэглэсээр байна гэж тэмдэглэснийг РИА Новости агентлаг дамжуулсан байна.

Тогтоолд бас Умард Солонгост “улс төрийн хоригдлуудад зориулсан бөөнөөр хорих лагериудын тогтолцоо байгаа” гэжээ.

Улмаар Ерөнхий ассамблей тогтоолдоо “Хүний эрх, үндсэн эрх чөлөөг хүндэтгэн хүний эрхийг зөрчиж байгаа, өргөн тархсан, ноцтой үйлдлүүдээ нэн даруй таслан зогсоохыг БНАСАУ-ын засгийн газарт уриалсан” байна.