Автомашин үйлдвэрлэгч Toyota америкийн CarMD компанийн гаргасан найдвартай машинуудын жагсаалтын лидер болсон байна. Чансааны үр дүнг тус компанийн сайт нийтэлжээ.

1996-2018 онуудад үйлдвэрлэсэн 5,6 сая машины судалгааг авч үзээд, үндсэн системийн доголдлыг сануулан асдаг Check Engine чийдэн хамгаас цөөн удаа Toyota компанийн машинуудад ассан болохыг тогтоосон аж.

Чансааны хоёрт Acura, гуравт нь Hyundai машинууд нэрлэгджээ. Дөрөв болон тав дугаарт Honda, Mitsubishi машинууд багтжээ. 

Toyota үүнийхээ хажуугаар засвар хийлгэхэд хамгийн үнэтэй машин болсон байна. Машины эздийн засварт зарцуулсан мөнгө нь америкчуудын хувьд дундажаар 462 доллар байв. Харин Mazda машины эзэд хамгийн бага буюу 286 долларыг засварт төлсөн судалгаа гарчээ.

Арванхоёрдугаар сарын 12-нд 2006 оноос хойш нэг сая км замыг их засваргүйгээр туулсан Lexus LX 470 машины эзний тухай мэдээ нийтлэгдсэн байлаа. Тэрээр энэ хугацаанд машиныхаа "радиатор, генератор, кондишнер" гуравыг л солиулсан байв.

М.Цогт