Өмнөд Солонгосын Эв нэгдлийн яамнаас энэ сарын 26-нд хоёр улсын төмөр болон авто замыг холбох ёслол зохион байгуулахаар Хойд Солонгосын талтай тохиролцсон” гэж мэдэгджээ. Хоёр Солонгосын ажлын хэсгийн уулзалт пүрэв гаригийн үдээс өмнө Хойд Солонгосын Кесон үйлдвэрлэлийн цогцолборт болсон. Энэ хурлын дараа Өмнөд Солонгосын талаас ийн мэдээллээ.
Ёслол Хойд Солонгосын Кесон цогцолборын ойролцоох галт тэрэгний буудалд болж, тус бүр 200 орчим албаны хүн оролцох юм байна. Илүү нарийн зүйлсийг үргэлжлүүлэн хэлэлцэж байж шийднэ гэж Өмнөд Солонгосын Эв нэгдлийн яам мэдэгдэж байна.
Хоёр улсын төрийн тэргүүнүүд өнгөрөгч есдүгээр дүгээр сард болсон уулзалтаараа энэ оны сүүл гэхэд дээрх ёслолыг зохион байгуулна гэж тохиролцсон. Мөн хоёр талын төмөр зам авто замыг холбох урьдчилсан шалгалтуудыг хийж байсан юм. Гэхдээ холбох ажил хэзээ эхлэх нь тодорхойгүй хэвээр байгаа юм байна.
Энэ талаар Өмнөд Солонгосын ерөнхийлөгч Мүүн Жэ Ин энэ сарын эхээр “Зам холбох ажил Хойд Солонгосын эсрэг олон улсын хоригийг зөрчиж болзошгүй тул Америк болон НҮБ-ын аюулгүй зөвлөлтэй дахиж хэлэлцэх шаардлагатай” гэж мэдэгдсэн. Тиймээс хоёр Солонгосын замын сүлжээг холбох ёслол тус хоёр улсын нааштай харилцааг өргөжин бэхжүүлэх зорилготой хэмээн ажиглагчид дүгнэж байна.
mnb.mn
