Америкийн сүүний эвслийн явуулсан судалгаагаар америкчуудын 94% нь хүнсний бүтээгдэхүүнийг тогтмол хаядаг гэж тогтоогдов. Шинжээчдийн тоолсноор, дундаж америк гэр бүл жилдээ худалдан авсан хүнсний бүтээгдэхүүний гуравны нэг буюу 113 кг хоол, хүнсийг хогийн саванд илгээдэг болж  таарлаа.

Гол шалтгаан нь хүнсний бүтээгдэхүүний хэрэглэх хугацаа дууссан нь болов. Асуугдагчдын 60% нь  хэрэв бүтээгдэхүүнийг идэж болно гэдэгт эргэлзээ төрж байгаа бол тэднийг хаядаг гэжээ.

Ийм үрэлгэн байдал мөн хүрээлэн буй орчны бохирдлын ачааллыг буулгах хэд хэдэн аргыг тэд санал болгож байна. Нэн түрүүнд хөргөчид хадгалах зүйлийг замбараатай болгон хурдан хэрэглээний зүйлийг нүдэнд ойр гарын дор болох хэрэгтэй ажээ. Бяслаг, йогуртыг бүтүүлэн дээд тавиурт нь хадгалах ёстой гэнэ. Сүү таргыг хаалганд биш хөргөгчийн илүү хүйтэн газарт хадгалах ёстой.

Мөн хэрэглэгдээгүй бүтээгдэхүүнийг нэмэлт орц болгон шөл зэрэгт хэрэглэхийг зөвлөв. Ногоо, сүмс зэргийг хөлдөөгчинд хадгалж байхыг мөн зөвлөжээ.

М.Цогт