Их британийн иргэн Карл Мартин 4000 жилийн өмнө урласан аягыг хэдэн жилийн турш шүдний сойзоо хийн ашиглаж байгаа гэж LiveScience хэвлэл мэдээлжээ.

Мартины яриагаар бол тэр энэ аягыг зах дээрээс таван доллараар худалдан авч хэрэглэж байгаад нэгэн дуудлагын худалдааны үеэр үнэ цэнийг нь санамсаргүй мэдсэн гэнэ. Тэрбээр өөрийнх нь аяганы ижил нь эртний хэд хэдэн зүйлтэй хамт байхыг хараад шинжээчдэд өгч шинжилгээ хийлгэжээ. Шинжээчид аягыг нь үзээд үүнийг дөрвөн мянган жилийн өмнө хийсэн гэж эзэнд нь мэдэгдсэн гэнэ.