“Эрэлтэд нийцсэн ур чадвар олгох хөтөлбөр”-ийн хэрэгжилт, үнэлгээний тайлан болон үр дүнг танилцуулах уулзалт өчигдөр зохион байгуулагдлаа. Хөтөлбөр нь оролцогчдын ур чадварыг хөгжүүлж, хөдөлмөр эрхлэх боломжийг нэмэгдүүлсэн гэдгээрээ онцлог юм.

Уг хөтөлбөр нь 2020 оноос Гэр бүл, хөдөлмөр, нийгмийн хамгааллын яам болон Дэлхийн банкны санхүүжилтээр хэрэгжиж буй “Онцгой байдлын үеийн дэмжлэг болон хөдөлмөр эрхлэлтийн төсөл”-ийн хүрээнд хэрэгжиж эхэлсэн. Хөтөлбөрийг Сургалт, үнэлгээ, судалгааны институт гүйцэтгэж, хөдөлмөрийн зах зээлд эрэлттэй 17 мэргэжлээр ур чадвар олгох сургалтуудыг зохион байгуулжээ.

Сургалтад нийт 725 хүн хамрагдсан бөгөөд үүнээс 300 нь мэргэшүүлэх сургалтад, 200 нь иргэний өмнөх мэдлэг, ур чадварыг хүлээн зөвшөөрөх үнэлгээ (RPL)-нд хамрагдсан байна. Хөтөлбөрийн үр дүнгийн үнэлгээ болон хэрэгжилтийн процессын судалгааг “Нийгмийн бодлого, хөгжил судалгааны хүрээлэн” хийж гүйцэтгэсэн бөгөөд судалгааны арга зүйн зөвлөмжөөр дэмжлэг үзүүлсэн тухай ГБХНХЯ-наас мэдээллээ.

Эх сурвалж: Гэр бүл, хөдөлмөр, нийгмийн хамгааллын яам