МУИС-ийн Орчуулагч, хэлмэрчийн мэргэшлийн үнэлгээний төвөөс 2025 онд орчуулагч, хэлмэрчийн зэрэг тогтоох шалгалтыг дараах хуваарийн дагуу зохион байгуулах гэж байна. Шалгалтыг бичгийн болон аман орчуулгын хэлбэрээр авч, амжилттай тэнцсэн оролцогчдод мэргэшлийн гэрчилгээ олгоно.
Шалгалтууд дараах байдлаар зохион байгуулагдана:
| Шалгалт товлогдсон өдөр | Шалгалтын хэлбэр | Бүртгэлийн хугацаа | Шалгалтын дүн гарах өдөр |
|---|---|---|---|
| 02.15 | Бичгийн орчуулгын цогц чадварын шалгалт (Англи, орос, хятад хэл) | 01.13 – 02.06 | 03.12 |
| 06.14, 06.15 | Аман орчуулгын цогц чадварын шалгалт (Англи, орос, хятад хэл) | 05.12 – 06.05 | 07.08 |
| 09.13 | Бичгийн орчуулгын цогц чадварын шалгалт (Англи, орос, хятад, япон, герман, солонгос, франц, түрэг, итали, испани, чех, польш, араб) | 08.11 – 09.04 | 10.08 |
| 09.20, 09.21 | Аман орчуулгын цогц чадварын шалгалт (Дээр дурдсан хэлнүүдээр) | 08.18 – 09.11 | 10.15 |
Шалгалтаар дараах чадварыг үнэлнэ:
-
Эх хэл ба гадаад хэлний мэдлэгийн түвшин
-
Эх хэлнээс гадаад хэл рүү болон эсрэгээр хэлмэрчлэх, орчуулах чадвар
-
Онолын мэдлэг, практик хэрэглээний уялдаа, хэлний найруулгын чадвар
Хамрах хүрээ:
-
Гуравдугаар зэргийн анхан шатны шалгалт
-
Цаашид хоёрдугаар болон нэгдүгээр зэрэгт ахих боломж нээлттэй
Шалгалтын зорилго нь орчуулагч, хэлмэрч мэргэжилтний чадамжийг олон улсын жишигт нийцүүлэн үнэлж, мэргэшлийн зэрэг олгох үндэсний тогтолцоог бүрдүүлэхэд чиглэж байгаа юм.
Эх сурвалж: МУИС-ийн Орчуулагч, хэлмэрчийн мэргэшлийн үнэлгээний төв
