Боловсрол, шинжлэх ухааны сайдын 2024 оны долдугаар сарын 19-ний өдрийн А/01 дүгээр тушаалаар ерөнхий боловсролын сургуулийн хичээлийн жилийн бүтцийг шинэчлэн баталлаа. Энэхүү бүтцээр хичээл эхлэх, амралтын хугацаа, анги тус бүрийн хичээлийн долоо хоногийн тоог нарийвчлан тогтоожээ.
2024-2025 оны хичээлийн жилд:
-
I-II анги – 34 долоо хоног
-
III-V анги – 35 долоо хоног
-
VI-IX анги – 36 долоо хоног
-
X-XII анги – 37 долоо хоног хичээллэхээр зохион байгуулагдсан байна.
Зуны амралтын хувьд нийслэл болон орон нутгийн бага ангийн сурагчид зургаадугаар сарын 9-нөөс, харин дунд, ахлах ангийн сурагчид зургаадугаар сарын 16-наас эхлэн амарна.
Энэхүү шийдвэр нь хөдөө орон нутаг болон хотын сургуулиудын ачаалал, сурагчдын насны онцлогт нийцүүлэн боловсруулсан бөгөөд хичээлийн үр дүнг ахиулах, амралт, эрүүл мэндийг тэнцвэртэй байлгахад чиглэж байгааг салбарын яам онцолжээ.
Эх сурвалж: Боловсрол, шинжлэх ухааны яам
