“3L” буюу “Боловсролын өдөрлөг 2025” арга хэмжээ тавдугаар сарын 19-21-ний өдрүүдэд Д.Сүхбаатарын талбайд зохион байгуулагдана. Энэхүү өдөрлөг нь залуусын мэргэжлээ зөв сонгох, боловсролын боломжуудыг таниулах, гадаад, дотоодын тэтгэлэгт хөтөлбөрүүдийн талаар мэдээлэл өгөх зорилготой.

Өдөрлөгийн хүрээнд:

• Улсын болон хувийн их, дээд сургуулиуд, сургалтын төвүүд оролцож,

• Мэргэжил сонголт, хувийн сонирхолд нийцсэн боловсролын чиглэл сонгоход зөвлөгөө өгнө,

• Залууст зориулсан үнэгүй оношлогоо, зөвлөгөө өгнө.

Мөн боловсролын салбарын мэргэжилтнүүдийн оролцоотой панел хэлэлцүүлэг, соён гэгээрүүлэх “Цонхоо нээ” төслийн хүрээнд “Тойрог” бэсрэг драмын жүжиг тайзнаа тоглогдох юм.

Энэхүү өдөрлөг нь боловсролын салбарын талаарх ойлголтыг гүнзгийрүүлж, залуусыг өөрийн чадвар, сонирхолд тулгуурлан ирээдүйгээ зөв чиглүүлэхэд туслах чухал үйл явдал байх болно.

Эх сурвалж: “3L Боловсролын өдөрлөг 2025” зохион байгуулах ажлын хэсэг.