“Нийслэлийн Соёлын төв өргөө” ОНӨААТҮГ-аас ерөнхий боловсролын сургуулийн сурагчдын авьяасыг хөгжүүлж, чөлөөт цагийг нь зөв боловсон өнгөрүүлэх зорилгоор “Нээлттэй тайз” төслийг хэрэгжүүлж эхэллээ. Энэхүү төсөл нь 9–12 дугаар ангийн сурагчдыг хамруулах бөгөөд авьяас чадвараа нээн илэрхийлэх, тайзны соёлд суралцах боломжийг олгож байгаагаараа онцлог юм.

Төслийн хүрээнд сурагчид:

• Мэргэжлийн тайзан дээр өөрийгөө чөлөөтэй илэрхийлж,

• Урлагийн төрөл бүрээр хамтдаа оролцон,

• Үе тэнгийнхнээсээ суралцах, урам зориг авах,

• Өөртөө итгэх итгэлээ нэмэгдүүлэх нөхцөл бүрдэнэ.

Анхны хамрагч сургуулиар Чингэлтэй дүүргийн 23 дугаар дунд сургуулийн ахлах ангийнхан нэгдээд байгаа бөгөөд цаашид нийслэлийн бүх ерөнхий боловсролын сургуулиуд өртөөчилсөн хэлбэрээр оролцох боломжтой юм.

“Нээлттэй тайз” төсөл нь сурагчдын авьяасыг илрүүлэхээс гадна соёл урлагийн боловсрол олгох, бүтээлч сэтгэлгээг хөгжүүлэхэд чиглэгдсэн урт хугацааны үйл ажиллагаа болж байна.

Эх сурвалж: Нийслэлийн Соёлын төв өргөө