Ерөнхий боловсролын сургуулийн сурагчдын авьяас чадварыг хөгжүүлж, чөлөөт цагийг нь зөв боловсон өнгөрүүлэх зорилгоор “Нийслэлийн Соёлын төв өргөө” ОНӨААТҮГ-аас “Нээлттэй тайз” төслийг эхлүүллээ. Энэхүү төсөл нь нийслэлийн хэмжээнд 9-12 дугаар ангийн сурагчдыг хамруулах бөгөөд нийгмийн хариуцлагын хүрээнд хэрэгжиж буй юм.

Төсөлд хамрагдсанаар сурагчид:

• Тайзны соёлд суралцаж,

• Өөрийгөө илэрхийлэх ур чадвараа хөгжүүлж,

• Урлаг, соёлын мэдрэмжээ тэлэн,

• Мэргэжлийн уран бүтээлчидтэй харилцах гүүр бий болгох боломжтой.

Эхний ээлжинд Чингэлтэй дүүргийн 23-р дунд сургуулийн ахлах ангийн сурагчид энэхүү төсөлд нэгдэж, хамтдаа дуулж, ярилцаж, урлагийн тайзан дээр өөрийгөө чөлөөтэй илэрхийлж эхлээд байна. Цаашид нийслэлийн бусад ерөнхий боловсролын сургуулиуд өртөөчилсөн хэлбэрээр төслийн үйл ажиллагаанд оролцох боломжтой ажээ.

“Нээлттэй тайз” нь зөвхөн урлагийн авьяасыг хөгжүүлэхээс гадна сурагчдын өөртөө итгэх итгэлийг нэмэгдүүлж, хамтын оролцоог дэмжих зорилготой гэдгийг зохион байгуулагчид онцолж байна.

Эх сурвалж: НЗДТГ-ын Хэвлэл мэдээлэл, олон нийттэй харилцах хэлтэс