2025 оны Монгол хэл бичгийн шалгалт дөрөвдүгээр сарын 18, 19-ний өдрүүдэд улсын хэмжээнд амжилттай явагдлаа. Энэ удаагийн шалгалтад нийт 84,969 шалгуулагч бүртгүүлсэн бөгөөд шалгалтын дүн, оноог тавдугаар сарын 9-ний өдөр зарлахаар болжээ.
Шалгуулагчдын бүтэц дараах байдалтай байна:
-
12 дугаар ангийн сурагч: 39,164
-
11 дүгээр ангийн сурагч: 30,824
-
10 дугаар ангийн сурагч: 12,909
-
Өмнөх оны төгсөгчид: 2,108 орчим
Шалгалтыг нийт 52 шалгалтын төвд зохион байгуулсан бөгөөд Монгол хэл, бичгийн шалгалт нь их, дээд сургуульд элсэн суралцах болзлын нэг хэсэг тул төгсөх ангийн сурагчдын хувьд чухал ач холбогдолтой шалгалт юм.
Шалгалтын дүнг Боловсролын үнэлгээний төвийн цахим хуудас болон албан ёсны сувгаар нийтэд зарлах тул шалгуулагчид хугацаандаа шалгахыг зөвлөж байна.
Эх сурвалж: Боловсролын үнэлгээний төв
