Энэ жил Меланья Трамп Цагаан ордныг Зул сарыг угтан улаан, хөх, алтлаг өнгөөр чимэглэв. Танхимуудад гинж, гацуур, цэцгийн баглаанууд гарч иржээ. Жинхэнэ үлгэр! Гэхдээ сүлжээгээр  баярын интерьерыг хангалттай хэмжээгээр аймшгийн кинонуудтай адилтгасан хүмүүс цөөнгүй байлаа.

АНУ-ын тэргүүн хатагтай Меланья Трамп Цагаан ордныг Зул сарын баярт зориулан хэрхэн чимэглэснээ харуулав. Энэ жил улаан, алтлаг, хөх өнгийг түлхүү ашиглан эх оронч стилээр Ерөнхийлөгчийн өргөөг чимэглэсэн байна.

Цагаан ордны танхим бүр нь өөр өөр чимэглэлтэй тухайлбал өргөөний төв хаалгаар ороход 14 мянган улаан бөмбөлөгөөр чимэглэгдсэн гацуурууд угтана. Хоолны танхимд нь Цагаан гаа байшинг тавин, түүгээр Вашингтоны төвийн Үндэсний цэцэрлэгт гудамжыг адилтгажээ.

“Тэргүүн хатагтай Меланья Трампын дизайнаар чимэглэгдсэн Цагаан ордон эх оронч сэтгэлийн эрмэлзлэлээр дүүрчээ” хэмээн Цагаан ордны албан ёсны твиттерт өгүүлсэн байна.

Харин Твиттерийн олон хэрэглэгчид үүнтэй маргахад бэлэн байна. Олон хүнд хурц улаан гацуур таалагдсангүй. Мөн “Үйлчлэгч эмэгтэй өгүүлэл” гэсэн нэлээдгүй бараан олон ангитын баатрууд шиг гэсэн бол зарим нь “Гийлт” гэх аймшгийн киноны чимэглэлийг санагдууллаа гэжээ.

Үнэн хэрэгтээ,  улаан гацуур нь дэлхийн хүүхдүүдийн амьдралын чанарыг сайжруулах зорилготой Меланья Трампын Be Best гэсэн буяны кампанит ажилд хамаатай аж. Кампанит ажлын логотой бөмбөлөгүүд "Хундан" улаан танхимын гацуурыг чимэглэж, Be Best харандаагаар Зул сарын цэцгэн баглааг бүтээсэн байна.

М.Цогт