Шоколад нь ерөнхийдөө гурван үндсэн төрөлтэй байдаг: хар, сүүн, цагаан. Эдгээрийн найрлага, бүтэц, амт, эрүүл мэндэд үзүүлэх нөлөө нь хоорондоо ялгаатай. Харин цагаан шоколад бол эдгээрийн дотроос хамгийн залуу, мөн хамгийн их маргаан дагуулдаг төрөл юм.

Цагаан шоколад нь какаогийн масло, сахар, хуурай сүү зэрэг гол орцуудаас бүрддэг. Хамгийн гол онцлог нь түүний найрлагад нунтаг какао огт байхгүй. Шоколадны уламжлалт амтыг бүрдүүлдэг какао нунтаг байхгүй учраас амт, өнгө, үнэр нь хар шоколаднаас эрс ялгаатай болдог. Амтыг нь сайжруулахын тулд ванилин эсвэл бусад амт оруулагч бодис нэмдэг.

Цагаан шоколадны найрлага:

• Какаогийн масло – какао шошноос шахаж гаргасан тослог, шаргалдуу өнгөтэй тос. Энэ нь цагаан шоколадны бүтэц, зөөлөн амтыг бүрдүүлдэг гол орц.

• Сахар – амтыг бүрдүүлдэг чихэрлэг орц.

• Хуурай сүү – амт, бүтэц нэмэгдүүлж, сүүн амт оруулдаг.

• Ванилин – байгалийн эсвэл хиймэл ваниль, үнэр амтыг нэмдэг.

Яагаад өнгө нь цагаан вэ?

Нунтаг какао агуулаагүй учраас цагаан шоколад нь бор, хар биш, харин шаргалдуу цайвар өнгөтэй байдаг. Шоколадны өнгөний гол шалтгаан бол какао нунтаг юм. Какаогийн тосонд өнгө бараг байхгүй тул цагаан өнгө давамгайлдаг.

Эрүүл мэндийн талаарх ялгаа

Цагаан шоколад нь кофеин, теобромин зэрэг антиоксидант нэгдлүүдийг агуулахгүй. Хар шоколаднаас ялгаатай нь хүний эрүүл мэндэд нөлөөлөх идэвхтэй бодисууд маш бага байдаг. Харин илчлэг өндөр, чихэр ихтэй учраас хэт их хэрэглээ нь таргалалт болон цусан дахь сахарын түвшинд сөргөөр нөлөөлж болзошгүй.

Түүхээс нь товчхон

Цагаан шоколад анх 1936 онд Швейцарийн Nestlé компани анх удаа “Milky Bar” нэрээр үйлдвэрлэсэн байдаг. Тухайн үедээ тэрбээр өргөн хэрэглээнд хүрээгүй, харин сүүлийн арван жилд чихэр үйлдвэрлэгчид түүнийг шоколадны гоёл, хольц байдлаар ашиглах нь ихэссэн. Олон хүн цагаан шоколадны найрлагад нунтаг какао байдаггүй тул жинхэнэ шоколад гэж үздэггүй ч, өөрийн өвөрмөц амт, бүтэцтэй бүтээгдэхүүн хэмээн хүлээн зөвшөөрдөг болсон.