Монгол Улсын Боловсролын яам, Монгол Улсын Их Сургууль хамтран хөгжүүлж буй Монголын анхны 3D виртуал сургуулийн эхний хувилбарыг олон нийтэд танилцууллаа. Энэхүү виртуал сургууль нь компьютер дээр бүрдүүлсэн дижитал орчинд сурагчид өөрийн аватар дүрээр нэвтэрч, хамтдаа суралцаж, харилцах, туршлага солилцох шинэ боломжийг олгож байгаагаараа онцлогтой.
Виртуал сургуулийн хүрээнд:
-
Нарны аймгийн системээр аялж, гараг ертөнцийг судлах
-
Монголын түүхэн дурсгалт газруудаар виртуал аялал хийх
-
“Монголын нууц товчоо”-г гүнзгийрүүлэн судлах
-
Байгалийн шинжлэх ухааны туршилтуудыг туршиж үзэх
-
Сурсан мэдлэгээ сонирхолтой хэлбэрээр бататгах зэрэг өргөн боломжууд нээлттэй байна.
Энэхүү сургуулийн програмыг guyuk.mn веб сайтаар дамжуулан компьютертээ татаж суулгаснаар багш, сурагч, анги хамт олон шинэлэг боловсролын орчинд хамтран суралцах боломжтой боллоо.
Эх сурвалж: Монгол Улсын Боловсролын яам.
