Ойн газраас боловсролын байгууллагуудыг гадна тохижилт хийхдээ орчны бохирдол, дуу чимээ шингээх мод түлхүү тарихыг зөвлөж байна. Энэ хүрээнд мод тарихын ач тусын талаар сурагчдад мэдлэг мэдээлэл олгох, модны төрлийг хэрхэн сонгох талаар боловсролын байгууллагуудтай хамтран ажиллахаар төлөвлөжээ.
Ойн газрын мэдээлснээр улсын хэмжээнд 100 гаруй мод үржүүлгийн газраас 20 гаруй төрлийн суулгац авч тарих боломжтой байна.
Ойн газрын Нөхөн сэргээлтийн хэлтсийн ахлах мэргэжилтэн Н.Отгонням энэ талаар ярихдаа боловсролын байгууллагуудад мод тарих арга зүй, ач холбогдлыг ойлгуулах зорилгоор холбогдох мэдээлэл өгөх ажлыг эрчимжүүлж буйг онцоллоо.
Мод тарихдаа тухайн сургуулийн орчны байршил, талбайн хэмжээ чухал нөлөөтэй бөгөөд нөхцөл байдлаас хамаарч дараах төрлийн модыг тарихыг зөвлөжээ:
- Улиас, хайлаас, шар хуас – Орчны бохирдол шингээх
- Монос – Үнэрийг шингээж, агаарыг цэвэршүүлэх
- Голт бор, гүйлс – Гоёлын зориулалттай, цэцэглэдэг
Мөн бохир үнэр ихтэй орчинд монос, гоёлын цэцэгт мод тарих нь тохиромжтой гэж үзэж байна.
Эх сурвалж: Ойн газрын Нөхөн сэргээлтийн хэлтэс.
Сэтгэгдэл (1)