МУИС-ийн ШУС-ийн орчуулагч, хэлмэрчийн мэргэшлийн үнэлгээний төвөөс 2025 онд орчуулагч, хэлмэрчийн зэрэг тогтоох (MATTI) шалгалтыг дараах хуваарийн дагуу зохион байгуулна.
| Шалгалт товлогдсон өдөр | Шалгалтын хэлбэр | Бүртгэлийн хугацаа | Шалгалтын дүн гарах өдөр |
|---|---|---|---|
| 02.15 | Бичгийн орчуулгын цогц чадварын шалгалт | 01.13-02.06 | 03.12 |
| 06.14, 15 | Аман орчуулгын цогц чадварын шалгалт | 05.12-06.05 | 07.08 |
| 09.13 | Бичгийн орчуулгын цогц чадварын шалгалт | 08.11-09.04 | 10.08 |
| 09.20, 21 | Аман орчуулгын цогц чадварын шалгалт | 08.18-09.11 | 10.15 |
Шалгалтын зорилго:
Энэхүү шалгалт нь орчуулагч, хэлмэрчийн ур чадварыг тодорхойлох, үнэлэх, тэдний ур чадварт тохирох чадамжийн зэргийн гэрчилгээ олгох зорилготой.
Шалгалтын талаар
2025 оны 2 дугаар сарын 15-ны өдөр "Орчуулагчийн анхан шатны бичгийн орчуулгын цогц чадварын туршилт шалгалт" зохион байгуулагдсан. Шалгалтад англи хэлний 12, хятад хэлний 7, орос хэлний 3 орчуулагч сайн дураар бүртгүүлж, эх хэл болон гадаад хэлний мэдлэг, гадаад хэл-эх хэл, эх хэл-гадаад хэлний орчуулгын ур чадварыг сорьсон байна.
Шалгалтаар орчуулагчийн ур чадвар анхан шатны түвшинд хүрсэн нь тогтоогдвол гуравдугаар зэргийг батламжилсан гэрчилгээ олгоно.
Орчуулагч, хэлмэрчийн зэрэг тогтоох (MATTI) шалгалт нь хоёр үндсэн хэсгээс бүрдэнэ:
- Бичгийн орчуулгын цогц чадварын шалгалт
- Аман орчуулгын цогц чадварын шалгалт
Энэхүү шалгалт нь орчуулгын зах зээлд шаардлагатай ур чадвартай мэргэжилтнүүдийг тодорхойлох, үнэлэх, тэдэнд тохирох зэрэглэл бүхий гэрчилгээ олгоход чиглэгдсэн болно.
