Аюулгүй байдал, гадаад бодлогын байнгын хорооны өнөөдрийн хуралдаанаар ЖДҮХС-гаас зээл авсан УИХ, Засгийн газрын гишүүдийн талаарх мэдээллийг Нийслэлийн прокурорын газар болон АТГ-аас авахаар болсон юм. Гэвч байнгын хорооны ирц бүрдээгүй учир хурал хойшлов. Үүний дараа УИХ-ын гишүүн Н.Номтойбаяр мэдээлэл хийлээ. 

ЖДҮХС-гаас зээл авсан хэрэгт нэр холбогдоод байгаа ЗТХ-ийн сайд Я.Содбаатар, БОАЖ-ын сайд Н.Цэрэнбат, БХБ-ын сайд Х.Баделхан, ХНХ-ын сайд С.Чинзориг, ЗГХЭГ-ын дарга Г.Занданшатар, УУХҮ-ийн сайд Д.Сумъяабазар нарын зургаан сайдын асуудлаар АТГ-аас шалгалт явуулж байгаа эсэхийг тодруулахаар УИХ-ын нэр бүхий гишүүдээс Нийслэлийн прокрорын газрт албан ёсоор хүсэлт тавьсан. Албан бичгийг УЕП М.Энх-Амгаланд мөн явуулсан. Байнгын хорооны хурлын ирц бүрдэхийг хүлээх зуурт Нийслэлийн прокурорын газраас албан бичгийн хариуг ирүүллээ. Прокурорын байгууллага "211 ААН-д 100 орчим тэрбум төгрөгийн санхүүжилт олгосныг шалгаж байна. Мөн мөрдөн байцаалтын ажиллагаа дуусаагүй тул мэдээлэл өгөх боломжгүй" гэсэн байна. 

Эндээс дүгнэлт хийхэд, Эрүүгийн 4хэрэг хянан шалгах тухай хуулийн 29.3-т эрүүгийн хэрэг үүсгээд шалгаж байх явцад мэдээлэл өгөхгүй гэж заасан байдаг. Тэгэхээр нэр бүхий зургаан сайдад эрүүгийн хэрэг үүсгээд шалгаж байгаа юм байна гэж ойлгогдож байна. Түүнчлэн ажлаа өгсөн БХБ-ын дэд сайд Ш.Лхамсүрэн, Төрийн өмчийн бодлого зохицуулалтын газрын дарга Ц.Ням-Осор, ЗГХЭГ-ын дэд дарга Б.Бат-Эрдэнэ нарт эрүүгийн хэрэг үүсгээд шалгаж байгаа юм байна гэлээ.