Цахилгааны инженер мэргэжлийг төгсөх ангийн сурагчдад сурталчлах, физикийн мэдлэгийг дээшлүүлэх зорилгоор төвийн бүсийн ЕБС-ийн төгсөх ангийн сурагчдын дунд “ДСЦТС-2025” физикийн олимпиад зохион байгуулагдлаа.
Дархан, Сэлэнгийн цахилгаан түгээх сүлжээ (ДСЦТС) ХК-аас хоёр дахь жилдээ зохион байгуулж буй уг олимпиад нь ЭЕШ-ын өмнөх сорилго болж өгдгөөрөө онцлог бөгөөд сурагчдад мэргэжлээ зөв сонгох, тухайн чиглэлээр суралцах боломжуудын талаар мэдээлэл олгох, цахилгаан эрчим хүчний байгууллагын үйл ажиллагаатай танилцах давуу талтай.
Олимпиадын оролцогчид, шалгарсан сурагчид
Тус олимпиадад Дархан-Уул аймгийн Дархан, Хонгор, Шарын гол сум, Сэлэнгэ аймгийн Сүхбаатар, Мандал сум, Төв аймгийн Жаргалант, Цээл сумын нийт 140 сурагч бүртгүүлснээс 104 сурагч оролцож, мэдлэг оюунаа сорьжээ.
Нийлбэр дүнгээр эхний 5 байрыг шалгаруулсан бөгөөд шагналт байрууд дараах байдлаар тодорлоо:
- Тэргүүн байр: “Монгол-Оюу” сургуулийн сурагч Г.Баярзул
- Шагнал: Өргөмжлөл, 800,000 төгрөг
- Хоёрдугаар байр: "Оюуны ирээдүй" сургуулийн сурагч М.Золжаргал
- Шагнал: Өргөмжлөл, 600,000 төгрөг
- Гуравдугаар байр:
- “Монгол-Оюу” сургуулийн сурагч Ж.Оргил
- "Дархан Импати" сургуулийн сурагч Т.Сувд
- Шагнал: Өргөмжлөл, тус бүр 300,000 төгрөг
- Тусгай байр: "Оюуны ирээдүй" сургуулийн сурагч А.Мөнхбилиг
- Шагнал: Өргөмжлөл, 200,000 төгрөг
Энэ удаагийн олимпиадад гуравдугаар байрт шалгарсан хоёр сурагчийн оноо тэнцсэн бөгөөд эхний 10 байрт орсон сурагчдын оноо маш ойролцоо байсан гэдгийг зохион байгуулагчид онцолсон байна.
Энэхүү олимпиад нь цахилгаан, эрчим хүчний салбарт сонирхолтой, чадварлаг залуусыг бэлтгэхэд хувь нэмэр оруулж, сурагчдад мэргэжлээ зөв сонгоход дэмжлэг болох зорилготой юм.
