Хэдэн жилийн өмнө Миннесотын нэгэн цуглуулагч гараашийн худалдаанаас $50 доллараар зураг худалдан авсан нь одоо $15 саяар үнэлэгдэж байна. 
Нью-Йоркийн LMI Group International компани энэ зургийг Ван Гогын бүтээл гэж үзэн 450 хуудас судалгааны материал танилцуулжээ. Гэвч урлаг судлаачдын дунд маргаан өрнөсөөр байна.

Нууцлаг олдвор

Цуглуулагч тор засаж буй загасчныг дүрсэлсэн уг зургийн техникт татагдаж авсан гэжээ. 2019 онд LMI Group-д үзүүлсний дараа тус компани зургийг худалдан авч, 20 гаруй мэргэжилтнээр судлуулж, $30 мянга зарцуулсан байна.

Шинжилгээний үр дүн

Судалгаагаар уг зураг Ван Гог 1889 онд Францын мэдрэлийн эмнэлэгт байхдаа зурсан байж болзошгүйг тогтоожээ. Мөн зурганд наалдсан үсний ДНК шинжилгээгээр улаавтар хүрэн өнгийн үстэй хүнийх болох нь батлагдсан нь Ван Гогтой тохирч байна.

Маргаан үргэлжилсээр

LMI Group уг зургийг дор хаяж $15 саяын үнэлгээтэй гэж мэдэгдсэн ч урлаг судлаачид санал зөрөлдсөөр. Метрополитен музейн куратор асан Максвелл Андерсон уг бүтээл Ван Гогын тодорхой бүтээлүүдтэй тохирохгүй ч түүний стилийг барьсан нь илт гэжээ.

Эх сурвалж: The Wall Street Journal,

Office Life