Манай зарим "АНчин"-гуудын соошил халуурал бүр савнаасаа халиад, хил хязгаараа даваад, "МАНчин"-гуудаа татаж оруулаад, нөгөөдүүл нь дагуулж тонгороод жинхэнээсээ намаа тараахдаа тулж байна аа. Энэ сонгуульд С.Баярцогт, Х.Тэмүүжин хоёроос өөр өрсөлдөгч байхгүй, АН, МАН ч ороогүй, хоёрхон хүний сонгууль юм шиг болж байна. Саяхан л "АН-ын жинхэнэ нүүр царай, эрх чөлөөний хамгаалагч, үнэн шударгын туйл" байсан нөгөө муу Х.Тэмүүжин чинь шууд 10 жилээр ухраад нөгөө "сайн ах, Сарангэрэл" энэ тэр лүүгээ унаад явчихлаа. Ямар амархан, ямар муухай хувирч, хавтгайрч байна аа, манайхаан! Гуравхан хоногийн дотор штээ.

Сүүлдээ бүр тойргоос ганц удаа гарч үзээгүй муу листний гуйлгачин, дээрэмчин, юу юу ч гэнэ үү. Эсрэгээрээ С.Баярцогт шиг шалгарсан улстөрч, удирдагч Монголд алга боллоо. АН дотроосоо эхлүүлсэн энэ хэрүүлийн гал Ардын намын сэтгүүлчид /угаасаа бүгдээрээ л дээ/ соошилчдыг хуйгаар нь хамаад улсаараа С.Баярцогтын араас уйлж, Х.Тэмүүжинг дэвсэлцгээв. Намынх нь нэг идэвхтэний идэвх нь бүр хэтрээд "Лу.Гантөмөрийнх нь хөнжил, гудасны асуудлыг дэлгэнэ, тэгвэл" гэчихсэн соошлаар дэвж байх ч шиг...

Ингэхэд монголчууд хэдэн удаа листээр сонгууль хийсэн юм? Ганцхан удаа, энэ жил хоёр дахь нь.

Х.Тэмүүжин хоёр удаа сонгогдохдоо нэг удаа тойргоос, нэг удаа жагсаалтаар сонгогдсон. Бүр намын дарга, генсек нарын дараа 4-рт бичигдэж байсан юм шүү. Н.Алтанхуяг дарга тэр жилийн сонгуульд "АН ялбал Х.Тэмүүжин Хууль зүйн сайд, Л.Гантөмөр Боловсролын сайд болно шүү" гэж зарлаад орж байлаа. Намдаа хамгийн олон суудлыг авч байлаа.

Одоо ч гэсэн Х.Тэмүүжин бол потенциальны Хууль зүйн сайд. АН сонгуульд ялж, олуулаа болж гэмээн дутуу үлдээсэн, ухрааж гацаасан бүх шинэчлэлийнхээ эцсийг үзнэ гээд явна. Яагаад гэвэл Х.Тэмүүжин бол тойргийн улстөрч биш, үзэл санааны, бодлогын улстөрч. Тийм болохоор нам нь /ҮБХ чинь намын удирдах байгууллага мөн биз дээ/ дэмжээд, шахаад жагсаалтад оруулчихлаа.

Тэгсэн чинь Х.Тэмүүжингээс болж АН ялагдах гээд, С.Баярцогт ороод ирвэл ялчих гээд байгаа юм л боллоо. УУЧЛААРАЙ, АНдууд аа! Тийм юм байхгүй. ҮБХ нь С.Баярцогтыг жагсаалтад дэмжээд баталчихсан бол өнөөдөр яг адилхан "Элбэгдоржийн гөлөг, Оюутолгойн хулгайч" гээд л сэвж байгаа. Тэгэхээр МАНчингууд чинь С.Баярцогтод хайртайдаа та нартай хамжаад, балешиглаад байгаа хэрэг биш шүү дээ. С.Баярцогтоор дамжуулаад намыг чинь өрлөж, шорлож байгаа юм. Арай С.Баярцогт мөнгийг нь төлдөг гэж бодоогүй биз дээ. МАН төлж байгаа шүү дээ!!!