Өнөөдөр цахим сүлжээнд олны танил нэгэн эрхэм охид, бүсгүйчүүдэд хандан тав орчим мунитын бичлэг оруулжээ. Тухайн бичлэгт гоо сайхны мэс засал хийлгээд бүсгүйчүүд хоорондоо ялгахын аргагүй адилхан харагдаж байна, гоо үзэсгэлэн гэдэг дотоод оршихуйдаа байдаг шүү хэмээн ярьсан юм.
Тэгвэл үүний хариуд Биенес эрхлэгч Н.Оюунбат дараах хариуг өгчээ.
Тэрээр өөрийн цахим хуудсандаа "Үе үе зүс таних, олны танил гэх үү дээ эрчүүд гарч ирээд л охид бүсгүйчүүд ээ нүүр амаараа битгий оролд, шинэ жил битгий тэмдэглэ, хумс чинь шулам шиг байна, хөмсөг чинь тод байна, сормуус чинь урт байна, уруул чинь памбагар байна гэх болж.
Хүүеээ миний Монголын тэнгэрлэг эрчүүд ээ, өөр хийх, бүтээх, хэлэх, ярих зүйл сэдэв алга уу?! БҮСГҮЙЧҮҮД нь дор бүрдээ л хичээгээд л амьдарч байна шүү.
Эмэгтэйчүүд бид өөр өөрийнхөө чадлаар эрчүүдээ хүндлээд ГОО САЙХНААРАА ЕРТӨНЦӨӨ АВАРЧИХ гээд л мачийж байгаа шүү. Шинэ жилээ ч тэмдэглэнэ. Сормуусаа ч хийлгэнэ" хэмээн бичжээ.