Хоолны дэглэмээр жингээ хасч эсвэл нэмэж болно. Мөн “зөв биш” хоол хүнс  янз бүрийн өвчин өдөөнө, “зөв” нь амьдралыг өөдрөг болгодог. Энэ талаар бид олон сонссон. Харин энэ удаа мэргэжилтнүүд хооллолтоо ялимгүй өөрчлөөд насаа нэмэгдүүлж болохыг тогтоожээ.

Норвегийн Бергений их сургуулийн эрдэмтэд 17 жил үргэлжилсэн судалгаандаа хоолны дадал зуршлаа баримтжуулсан 468 мянган хүний насжилтыг авч үзжээ.

Nature Food сэтгүүлд нийтлүүлсэн материалдаа тэд хоолны дэглэмд оруулсан бие даасан хэд хэдэн бүлгүүдийг судалгааны оролцсон хүмүүсээс байгуулан, цаг хугацааны явцад хэрхэн өөрчлөгдөж байсныг судалгаа, ажиглалт хийснээ өгүүлжээ.

Гурван бүлэгт хуваасан хүмүүсийн нэг хэсэг нь юу олдсоноор хооллож, хоёр дахь нь эрүүл хооллолтын дэглэмд, гурав дахь нь "урт нас" гэх дэглэмийг чанд сахижээ. Нэг утгаараа чихэр сахаргүй, бэлтгэсэн махнаас татгалзаж, бүхэл үрийн бүтээгдэхүүн самар ногоо, загас дээр тогтсон хүмүүс байв.

Тамхи татдаг, архи уудаг, спортоор хичээллэгчид бүлгүүдэд тэнцүү тоонгоор байсан байна. Эдгээр хортой, ашигтай зуршилтай 40 хүртэлх насны эрэгтэй, эмэгтэй хүмүүс аажмаар эрүүл биш хооллолтоос татгалзан тус зөвлөмжийг авдаг болж, амьдралын насаа ойролцоогоор есөн жилээр нэмэгдүүлсэн байна.

Мөн дэглэмийг анхнаасаа хэрэгжүүлдэг байсан хүмүүс насандаа нэг жилийг нэмэж чаджээ.

Харин хожим хооллолтын дэглэмээ өөрчлөхөөр шийдсэн хүмүүст үр дүн  эрчимтэй харагдсангүй.

Тухайлбал, 70 насандаа тийм алхам хийхээр шийдсэн хүмүүс амьдралдаа таван жилийг нэмсэн байна. Ер нь бол дүгнэлт ийм. Залуудаа  хооллолтоо эрс өөрчлөх нь судалгаанаас ашигтай болох нь харагдлаа. Гэхдээ дуртай зуршлаасаа эрс татгалзах нь бас тийм ч сайнгүй. Ямартай ч энд эхний ээлжинд эмч мэргэжилтнүүдийн зөвөлгөөг авах нь чухал юм.

М.ЦОГТ