Аргентины шигшээ багийн довтлогч бөгөөд ахлагч Лионель Месси 2026 оны Дэлхийн аварга шалгаруулах тэмцээний (ДАШТ) хэсгийн шатанд Алжирын багтай хисэн тоглолтод хет-трик хийснээр ДАШТ-ий түүхэн дэх шилдэг мэргэн буучдын жагсаалтыг тэргүүлж эхэллээ. Уг тоглолт АНУ-ын Миссури мужийн Канзас-Сити хотод болж байна.

Л.Месси тоглолтын 17, 60, 76 дахь минутуудад гоолдлоо. Ингэснээр тэрбээр дэлхийн аварга шалгаруулах бүх тэмцээнд оруулсан гоолынхоо тоог 16-д хүргэлээ. Л.Месситэй хамт мэргэн буучдын жагсаалтын нэгдүгээрт Германы довтлогч Мирослав Клозе бичигдэж байна. Тэрбээр мөн ДАШТ-д зургаан удаа оролцсон анхны хөл бөмбөгчин болсон юм.

Өдгөө 38 настай Л.Месси 2023 оноос хойш Хойд Америкийн хөл бөмбөгийн дээд лигийн (MLS) "Интер Майами" клубт тоглож байгаа юм. Тэрбээр өмнө нь Францын "Пари Сен-Жермен", Испанийн "Барселона" клубүүдэд хүчин зүтгэж байв. "Барселона"-гийн бүрэлдэхүүнд Аваргуудын лигт 4 удаа, УЕФА-гийн Супер цом болон Клубүүдийн аварга шалгаруулах тэмцээнд тус бүр 3 удаа түрүүлсэн. Довтлогч Л.Месси нь ДАШТ-ий алт (2022), мөнгөн медальт (2014), мөн Олимпын аварга (2008) бөгөөд Америкийн цомд (Копа Америка) хоёр удаа (2021, 2024) түрүүлсэн билээ. Тэрбээр хөл бөмбөгийн хамгийн нэр хүндтэй шагнал болох "Алтан бөмбөг"-ийг (Ballon d'Or) 8 удаа хүртсэн дээд амжилтын эзэн юм.

Эх сурвалж: TASS