Цэцэрлэг, сургуулийн цахим бүртгэлийн талаар Боловсрол шинжлэх ухааны яамнаас мэдээлэл өглөө.

Өнөөдөр буюу 2023 оны наймдугаар сарын 15-наас эхлэн улсын хэмжээнд нэгдүгээр ангид элсэн суралцах сурагчдыг Е-Мongolia платформоор дамжуулан бүртгэж эхэллээ.

Энэ хичээлийн жилд улсын хэмжээнд цэцэрлэг насны 302 226 хүүхэд байгаа аж. Үүний 142798 Улаанбаатар хотын цэцэрлэгүүдэд хамрагдах албан ёсны тоо гарчээ. Өнөөдрийн байдлаар улын хэмжээнд 89 мянга 999 хүүхэд цэцэрэгт хамрагдах хүсэлтэй цахимаар бүртгүүлээд байна.

Бүртгэлийг шугам 8 дугаар сарын 20-ны өдөр хаагдах бөгөөд наймдугаар сарын 21-25-ны өдрүүдэд эцэг эх, асран хамгаалагчдын бүртгэлтэй утасны дугаарт хуваарилагдсан талаарх мэдээлэл ирэх болно.

Цэцэрлэгийн бүртгэлийг 2 үе шаттай зохион байгуулах бөгөөд хоёр дахь бүртгэл 9-р сарын 14-нөөс эхлэх аж.

Энэ жил цэцэрлэгт насны хүүхэд өнгөрсөн жилийнхээс 2000 орчмоор нэмэгджээ.

2023-2024 оны хичээлийн жилд Ерөнхий боловсролын сургуульд 781.178 сурагч суралцана. Тэдний 73900 нь нэгдүгээр ангид элсэх юм. Нэгдүгээр ангийн сурагчдын цахим бүртгэл өнөөдөр эхэлж байна. Эцэг эх, асран хамгаалагчид Е Mongolia системээр нэвтэрч урьдчилсан хуваарилалтыг баталгаажуулах ёстой.

Өнгөрсөн жил 39313 хүүхэд нэгдүгээр ангид элсэн суралцаж байсан бол энэ жилийн хувьд 35866 хүүхэд шинээр элсэн суралцах юм байна. Бүртгэлд 2017 оны нэгдүгээр сарын нэгнээс 2017 оны 12 сарын 31-ний хооронд төрсөн хүүхэд хамрагдах юм.

Энэ жил ЕБС  40 мянга орчим хүүхдээр нэмэгдэх урьдчилсан тооцоолол гарчээ. 

Цэцэрлэг сургуулийн бүртгэл одоогийн байдаар хэвийн явагдаж байна.