Өнгөрсөн хавар Архангай аймгаас сонгогдсон гурван гишүүн МУГТ Э.Цэндбаатарын Гавъяатын цайллагын үеэр Suzuki маркийн машин өгнө гэж амласан байдаг. Гэвч түгжрэл дунд энэ сураг тасарсаар, уг асуудлаар гавъяат тамирчин Э.Цэндбаатар одоо хүртэл өгөөгүй байгаа тухай сэтгүүлчдийн асуултад хариулж байсан юм.
Тэгвэл УИХ-ын гишүүн Ж.Мөнбат энэ талаар дараах тайлбарыг өглөө.
Тэрээр “Өнгөрсөн хавар Э.Цэндбаатар найраа хийгээд, тус найрандаа нутгийн зөвлөлөөс ирээрэй хэмээн уриалга явуулсан. Бид урилга авсан учраас очсон. Нутгийн зөвлөлийн зүгээс амжилт гаргасан юм чинь гээд залуу тамирчнаа дэмжиж унаа тэрэгний асуудал шийдье гэсэн зүйл л ярьсан. Гэвч бид мөнгөтэй хүмүүс биш. Төсвийн мөнгөнөөс энэ асуудлыг шийдэх боломжгүй, чадахгүй. Хоёр, гурван удаа уулзсан ямар ч байсан шийдэж өгнө, мөнгөө цуглуулж байна гэсэн зүйлийг өөрт нь хэлсэн. Тавдугаар сараас эхлээд хэвлэл мэдээллээр янз бүрийн зүйл худлаа зүйл ярьж эхэлсэн. Э.Цэндбаатарын нэрийг бариад "пи ар" хийгээд байгаа зүйл байхгүй. Машин босгоно гэдэг чинь тийм амар зүйл биш. Бид нар мөнгийн цуглуулж байгаа. Машины үнэ өндөр байна, нэг өдөр, нэг сарын дотор босгож чадахгүй. Залилаад, хуураад улс төр хийгээд байгаа зүйл байхгүй. Бид нар ямар залилан хийсэн биш, хууль зөрчсөн биш. Хэл ам дагуулж өгөх шаардлага байгаа ч юмуу, эсхүл Архангай аймагт нэн шаардлагатай байгаа түргэн тусламжийн унаа тэрэг ч юмуу өгөх үү гэж нутгийн зөвлөл бас санал солилцсон. Ер нь өгөх ч албагүй шүү дээ" гэв.
