Холливудын од Брэд Питт "нүүр танихгүй" буюу "прозопагноз" гэх ховор тохиолдох өвчтэй болсноосоо айж буйгаа ярив. Тэр өвчний талаар яриад эхлэхээр хэн ч түүнд итгэхгүй байгаа гэнэ. Өөрийн энэ өвчний талаар 58 настай жүжигчин GQ сэтгүүлд ярьжээ. Мөн ийм өвчтэй хүнтэй танилцах хүсэлтэйгээ хэлсэн байна.
“Нүүр танихгүй” гэдэг өвчний албан ёсны оношыг түүнд албан ёсоор тавиагүй ч жүжигчин энэ өвчнөөр олон жил шаналж буйдаа итгэлтэй байгаа аж.
"Аль болохоор тэр шинэ хүмүүсийг санан тогтоохыг эрмэлзэж, тэдний нүүр царайг санан тогтоохыг хичээж буй ч ихэнх хүмүүс түүнийг биеэ тоосон ихэмсэг зантай" гэх болсон байна.
Брэд Питт энэ өвчнийхөө талаар хамгийн анх 2013 онд ярьсан байдаг. “Олон хүн намайг өөрсдийгөө хүндэтгэсэнгүй гээд үзэн ядах болжээ” хэмээн тэр өгүүлж байжээ. Мөн тэрээр тамхиа хаяж, архины хамаарлаа эмчлүүлэх гэнэ.
М.ЦОГТ
