Ерөнхийлөгч асан Х.Баттулгыг хуулийн байгууллагаас хэд хэдэн хэрэгт холбогдуулан шалгахаар болсон гэх мэдээлэл байна.

Тодруулбал, түүнийг Майдар хот болон Хөгжлийн банктай холбогдсон асуудлуудаар нь шалгах аж.

Түүний Хөгжлийн банкны хэрэг өнгөрсөн өвлөөс дуулиан тарьж эхэлсэн бөгөөд Ерөнхийлөгч асан Х.Баттулгын зөвлөхөөр ажиллаж байсан Ц.Ууганбаярын "Шинэ Яармаг" төсөлтэй холбоотой зээлийн асуудал сөхөгдсөн юм.

Х.Баттулгыг МоАХ-ын газрыг барьцаалж Хөгжлийн банкнаас зээл авах зөвшөөрлийг олгосон гэх мэдээлэл ч ил болоод байгаа. Мөн "Майдар хот"-той холбоотой газар болон мөнгө угаасан байж болзошгүй хэрэг түүнтэй холбогддог юм.