АНУ-ын эрдэмтэд 159 мянган эмэгтэйчүүдийн мэдээллийг задлан үзээд өөдрөг сэтгэлтэй хүмүүст ерээс дээш наслах магадлал өндөр гэж тогтоожээ. Энэ судалгааны дүнг Journal of the American Geriatrics Society сэтгүүлд нийтэлжээ.
Өөдрөг санаа бодол, урт нас хоёрын холбоо бүх үндэстэн ястнуудад байдаг зүйл гэнэ.
Үүний зэрэгцээ, судлаачид амьдралын зөв хэвшил, дэг нь өөдрөг сэтгэл төрүүлдэг хэмээн тогтоожээ. Гэхдээ тэр нь урт наслах гол шалтгааны нэг биш юм байна.
Харвардын их сургуулийн Нийгмийн эрүүлийг хамгаалах сургуулийн өгүүллэгийг зохиогч Хаями Кога "Оптимизм нь нийгмийн хүчин зүйлээр үндэслэгдсэн байж болох юм. Харин бидний судалгаа нь оптимизм өөрөө урт наслахад нөлөөлдөгийг үзүүллээ" хэмээжээ.
Эрдэмтдийн дүгнэснээр, өөдрөг сэтгэлийн төвшнийг нэмэгдүүлэх нь насаа нэмэхэд чухал үүрэгтэй. Үндэстнүүдийн дунд wагаан арьснуудын амьдрал урт харин азийнхан дунд тэр нь хамгийн доогуур байв. Дашрамд дурьдахад, дэлхийн хамгийн өндөр настай хүнээр япон эмэгтэй урт хугацаагаар тодорсон.
Судалгааны бас нэг онцлог нь испани хэлтэй хүмүүс төрөлх хэл нь англи хүнээс илүү урт настайг харуулсан байна.
М.ЦОГТ