"The Hu" хамтлагийн менежер их хэмжээний мөнгө залилсан гэх мэдээлэл цахим орчинд тараад буй. Тус мэдээлэлтэй холбоотой тус хамтлагаас мэдэгдэл гаргажээ.
Мэдэгдэлд, “The Hu” хамтлаг менежер Tuga Namgur-тэй хамтран ажиллахаа больсон. Түүнийг их хэмжээний мөнгө залилсан тухай мэдээлэл их гарч байна. Тухайлбал, биднийг дэмжигч, уран бүтээлийг сонсогч нар руу төлбөр төлж, тэмдэглэгээ бүхий баталгаажсан дэмжигч болох хүсэлтийг цахимаар явуулж их хэмжээний мөнгө залилж байгаа тухай олон хүн гомдол ирүүлсэн. Тэрхүү мессежийг тусгай программ ашиглаж явуулж байгаа нь тодорхой болсон. Хамтлагийнхны зүгээс менежер Tuga Namgur-ийн нэрийг барьж сонсогчид руу хүсэлт явуулж байж магадгүй гэж бодож байна. Түүнээс нэгэн цагт хамтлагийн менежер байсан хүн залилан хийнэ гэдэгт итгэхгүй байгаа.
Ямартай ч энэ асуудлыг шийдэх хүртэл хамтлаг шаардлагатай арга хэмжээг авах болно гэдгийг албан ёсны цахим хуудастаа нийтэлжээ.
"The Hu" хамтлаг дөрөвдүгээр сарын 15-наас "Хар аянга" нэртэй Европын орнуудаар тоглолт хийж буй. Мөн тус хамтлаг дэлхийн хамгий том хөгжмийн наадам болох "Coachella-2022"-д Монголоос анх удаа оролцсон билээ. Хамтлагийн залуус одоо ч аялан тоглолтоо үргэлжлүүлж байгаа бөгөөд сонсогчдоос ирж буй гомдолд ийнхүү хариу мэдэгдэл гаргажээ.