Нийт талбай нь бараг 4 сая га...
Харанхуй тэнгэрийн шинэ дархан газар АНУ-ын өмнөд, Мексикийн хойд хэсэгт нээгдлээ. Энэ шинэ паркын талаар Phys.org хэвлэлд нийтэлжээ. Дархан газрын статус нь түүний бүх дэвсгэрт шөнийн 0 гэрэлтүүлэгийг баталгаа болгож байгаа учраас одон орны ажиглалтыг үр дүнтэй болгоно гэсэн байна. Тухайн газарт 1939 оноос хойш Остин дахь Техасын их сургуулийн Мак-Дональд одон орны төв ажиглалт явуулж байгаа ба шинэ статус нь бидэнд ойр од гарагс болон хорвоогийн тэлэлтийг судлах шинэ боломжийг гаргаж байна.
Гэхдээ энэ дархан газрын зорилго нь зөвхөн шинжлэх ухаан биш. Харанхуй шөнө нь хиймэл гэрэл ихтэйгээс болж биоритм нь алдагдаж байгаа амьтны ердийн амьдралыг хангахад чухал нөхцөл болох юм.
Шөнийн тэнгэрийн дархан газрыг бүртгүүлэх ажлыг гэрлийн бохирдолтой тэмцэх Харанхуй тэнгэрийн олон улсын эвсэл (IDA) хариуцаж байгаа аж. Гэрлийн бохирдлын гол эх сурвалж нь том хотууд ба аж үйлдвэрийн цогцолборууд юм.
Статусаа авсны дараа, дархан газар тодорхой үүрэг гүйцэтгэх ёстой. Нутаг орон тус бүрт өөрийн дүрэм журам бий. Жишээлбэл, Шинэ Зеландын Ниуэ арлын захиргаа гудамжны чийдэнг арал даяар солих, орон сууцны гэрэлтүүлгийг засан өөрчлөхөөр шийдсэн байна.
М.ЦОГТ