Намаг нь зугаалаад байхаар газар биш ч асар их цэвэр ус агуулсан ер бусын экосистем юм! 

Энэхүү үзэсгэлэнт байгалийн тогтоцыг харахаар жуулчдын хөвөрдөг газруудыг танилцуулж байна.

1. Окаванго мөрний цутгалан

Ботсвана улсын Окаванго голын цутгалан нь Африкийн байгалийн жинхэнэ гайхамшиг. Тэр нь  далайд цутгадагүй, жинхэнэ амьдралыг Калахарийн цөлд өгдөг.

2. Үндэсний парк Эверглейдс

Америкийн Флоридагийн Эверглейдс үндэсний парк нь “өвсөн гол” гэж нэрлэгдсэн онцгой нэгэн намагтай нутаг юм. Энэ намаг олон тооны амьтан жигүүртний гэр орон нь болжээ.

3. Грейт-Дисмал намаг

Умард Каролина мужийн Грейт-Дисмал нь АНУ-ын бас нэг том аймшгийн бөгөөд үзэсгэлэнтэй намагт газар. Хэзээ нэгэн цагт тэнд мод огтолдог байсан ба сүүлд дархан газар болгон маш чанд хамгаалдаг болжээ.

4. Циньхуа дахь намаг

Хятадын Циньхуа хотын нутаг дэвсгэрт тухай цагтаа асар том намаг байсныг одоо ер бусын гайхамшигтай Yanweizhou Wet land Park гэсэн паркийн бүс болгожээ. Тэнд явган хүн зорчих боломжтой гүүрнүүд, концертын танхим, чөлөөт амралтын бүсүүд бий болгожээ.

5. Парк Фьордленд

Фьордленд нь Шинэ Зеландын томоохон дархан газруудын нэг бөгөөд тус орны хүрэхэд амаргүй бартаатай газар байрладаг. Энэ паркийн ихэнхийг үзэсгэлэнтэй намаг эзэлдэг байна.

6. Үндэсний парк Сапата

Үндэсний парк Сапата (Cienagade Zapata) нь Кубын олонд төдийлөн танил биш байгалийн үзэсгэлэнт газар. Энэ газар Варадеро хотоос холгүй оршдог ажээ.

7. Бангвеулу намаг

Бангвеулу нь Замбийн асар том усан систем нь намаг, нуур, гол горхиноос бүрэлддэг. Нэрийг нь орчуулбал “ус тэнгэртэй нийлсэн нутаг” гэж бууна.

8. Луизианы намгууд

Энэ жагсаалтад Луизианы бамбалзуурыг оруулаагүй бол гүйцэт биш болох байлаа. Индианчуудын Атчафалайа гэсэн нэртэй энэ газар нь АНУ-ын томоохонд тооцогдох голын намаг юм. Аймшгийн гэх дүр төрхтэй энэ намаг мужийн өмнөд хэсэгт байдаг.

9. Пантанал намаг

Пантанал нь маш их талбайг эзэлсэн намгуудын нийлбэр бөгөөд дэлхийн хамгийн том намгархаг энэ газар нутаг Парагвай, Бразили, Боливийн хил дээр оршино. Түүний pântano нэр нь португаль хэлнээс шууд “намаг” буюу “чийглэг нам газар” гэж бууна. Дашрамд дурьдахад, Өмнөд Америк бол дэлхийн хамгийн намгархаг тив юм.

10. Өмнөд Суданы намаг

Өмнөд Суданы нутагт байх энэ туулан гарашгүй намаг нь тус орны хамгийн үржил шимтэй газарт тооцогддог. Тэгээд ч энэ намагт хангалттай олон тооны хүмүүс амьдардаг байна.

11. Васюганы намаг

Дэлхийн намгийн дээд амжилтын эзэн Васюганы намаг нь Сибирьт байдаг. Зарим нэг мэдээгээр түүнийг дэлхийн хамгийн том намгийн систем гэх ба түүний эзлэх нутаг дэвсгэр байнга тэлэгдэж байгаа аж.

12. Мшинскийн намаг

Мшинскийн намаг нь байгалийн тусгай хамгаалалттай нутагт байрлах бөгөөд Ленинград мужид оршдог. Түүний нутаг дэвсгэрт долоон нуур байгаа. Мөн энэхүү намгаас найман гол эх авдаг байна.

М.ЦОГТ