Польш улсын засгийн газрын тэтгэлгээр магистрын хөтөлбөрт суралцуулах сонгон шалгаруулалт зарлалаа. Магистрын хөтөлбөрт суралцах хүсэлт гаргагч нь бакалаврын зэрэгтэй Монгол Улсын иргэн байх бөгөөд голч дүн 3.2 ба түүнээс дээш, 2-оос доошгүй жил ажилласан ажлын туршлагатай, 35 хүртэлх насных байна.

Мөн өмнө нь Засгийн газрын тэтгэлэгт хамрагдаагүй байх юм. Бүртгэл гуравдугаар сарын 25-наас дөрөвдүгээр сарын 8-ны өдрийн 12:00 цаг хүртэл цахимаар явагдана.

Засгийн газрын 2020 оны 70 дугаар тогтоолын 2 дугаар хавсралтад заасан дараах мэргэжлийн чиглэлээр магистрт элсүүлэн сургана.

Үүнд:

• Уран сайхны гэрэлтүүлэг

• Дуу, чимээний технологи

• Хөгжмийн театрын найруулга

• Театрчилсан тоглолт, баяр наадмын найруулга

• Биологи

• Хүрээлэн буй орчин судлал

• Утасгүй холбоо

• Өгөгдлийн ухаан

• Системийн аюулгүй байдал

• Хиймэл оюун ухаан

• Химийн инженерчлэл ба боловсруулалт

• Сэргээгдэх эрчим хүч

• Байгаль орчныг хамгаалах технологи

• Электроник

• Механик инженер

• Нэхмэлийн үйлдвэрлэлийн технологи

• Хүнсний инженерчлэл

• Шим тэжээл судлал

• Газрын тосны инженер

• Уул уурхайн ашиглалтын технологи

• Барилгын материалын үйлдвэрлэлийн технологи

• Хаягдал боловсруулах технологи

• Биотехнологи

• Био-инженерчлэл

• Нано шинжлэх ухаан, нано инженерчлэл чиглэлээр 5 оюутан тус тус суралцуулна.

Тэтгэлгийн талаар дэлгэрэнгүй мэдээлэл авах бол ЭНД дарна уу.

Эх сурвалж: БШУЯ