Нийслэлийн Засаг Даргын шуурхай хуралдаан Хангарьд ордонд болж байна.
Тус хурлаар зарим сургуулийн цагийг зөрүүлсэн шийдвэр нэг хэсэгт үр дүнгээ өгч, зарим хэсэгт хүлээсэн үр дүн гарахгүй байна гэж Тээврийн цагдаагийн албанаас мэдэгдлээ.
Тухайлбал, Нарны зам дагуух сургуулиудад өөрчлөлт гараагүй гэв.
Хотын төв, түгжрэл ихтэй орчинд буюу Их тойруу болон Яармагт байрлалтай 59 сургуулийн хичээл эхлэх цагт өнөөдрөөс өөрчлөлт оруулаад байгаа билээ. Энэ шийдвэрийг гаргахаас өмнө санал асуулгыг www.ulaanbaatar.mn сайтад өрнүүлэхэд санал асуулгад оролцогсдын 71 хувь дэмжсэн байсан юм.
Санал асуулгад 6214 иргэн оролцож, 4463 буюу 71.8 хувь нь дээрх зохицуулалт, өөрчлөлтийг дэмжиж буйгаа илэрхийлжээ.
