Засгийн газрын ээлжит бусаар хуралдаж, Гамшгаас хамгаалах өндөржүүлсэн бэлэн байдлын зэргийг цуцлах тогтоолыг баталлаа.
Ингээд улс даяар зарласан байсан өндөржүүлсэн бэлэн байдлын зэргийг Улбар шар түвшингээс Шар түвшинд шилжүүлж байна. Мөнолон улсын зорчих хөдөлгөөнд бүрэн нээлттэй улс болсон талаар мэдээлэв.
Хуралдааны дараа Ерөнхий сайд Л.Оюун-Эрдэнэ мэдэгдэл хийлээ.
Тэрээр "Монгол Улс 2020 оны Арваннэгдүгээр сарын 12-ны өдрөөс эхлэн хоёр жилийн хугацаанд долоон удаа тогтоосон хатуу хөл хорионд нийт 79 хоногийг өнгөрөөж, бусад бүх цаг хугацаанд Улбар шар түвшин буюу гамшгаас хамгаалах өндөржүүлсэн бэлэн байдалд байлаа. Цар тахлаас болж өнгөрсөн хоёр жилийн хугацаанд Монгол Улсад ирэхээ хүлээсэн эрхэм жуулчдад манай улс хилээ бүрэн нээж, нээлттэй орон боллоо.
Монгол Улсад ирэх хөрөнгө оруулагч, жуулчдыг вакцины бүрэн тунд хамрагдсан бол хүлээн авахад бэлэн байна. Магадгүй та вакцинд хамрагдаж чадаагүй бол Монгол Улсад хүрэлцэн ирж, вакцинд хамрагдах боломж нээлттэй.
Эрхэм хөрөнгө оруулагч, жуулчид аа, Монгол Улсын төр захиргааны байгууллага, хувийн хэвшил, аялал жуулчлалын компаниуд хүндрэл бэрхшээлгүй, шуурхай ажиллаж, Монгол Улсад саадгүй хүрэлцэн ирж аялах бүхий л бололцоог хангахын төлөө хамтдаа хичээнгүйлэн ажиллах болно гэдгийг илэрхийлж байна" гэлээ.
