Цар тахлын хүнд үед 5,5 тэрбумын төсөвтэй байсан “Богд Зонхова” цогцолборын төсөв 32 тэрбум болж 2022 оны улсын төсөвт суусан байдаг. Тухайн үед иргэдийн зүгээс ца үеээ олоогүй, төсөвт хэт үрэлгэн хандаж байна гэж шүүмжилж байсан ч санаачлагчид нь цээжээрээ хамгаалсаар өдийг хүрсэн билээ. 

Тэгвэл Засгийн газрын өнөөдрийн хуралдаанаар 2022 оны төсвийн тухай хуульд өөрчлөлт оруулах тухай хуулийн төсийг хэлэлцэж, УИХ-д өргөн барихаар боллоо.

Учир нь Ерөнхийлөгч төсвийн боломжид нийцүүлэн иргэдийн тэтгэврийн хэмжээг үе шаттай нэмэгдүүлэхийг Засгийн газарт чиглэл болгосон бөгөөд үүнийг хэрэгжүүлэх боломж нь улсын төсөвт тодотгол хийх юм.

Тодруулбал, 2022 оны төсөв суулгасан хэд хэдэн бүтээн байгуулалтын хөрөнгө оруулалтыг царцаах замаар тэтгэвэр, тэтгэмжийг нэмэхээр төсөлд тусгажээ.

Энэ талаар Соёлын сайд Ч.Номин "Түүх, шашны соёлыг дэлгэрүүлэх “Богд Зонхова” цогцолборын төслийг миний бие цаг үеэ олоогүй гэж үзсэн учраас зориулалтыг өөрчлөх саналаа Засгийн газарт хүргүүлсэн байсан. Саналыг өнөөдөр Засгийн газрын ээлжит бус хуралдаанаар хэлэлцээд цогцолборын төсвийг ахмадуудын тэтгэврийг нэмэхэд зарцуулахаар шийдвэрлэлээ. “Богд зонхова” төсөлтэй адил тэвчиж болох бүхий л хөшөө, дурсгалыг мөн царцааж, ахмад настнуудын тэтгэврийг үе шаттай нэмэгдүүлэхийг Засгийн газрын гишүүд бүрэн дэмжлээ" хэмээсэн байна.