Шадар сайд, УОК-ын дарга С.Амарсайхан Засгийн газрын баримталж байгаа Эдийн засгаа дэмжих, халдварын тархалт өндөр байгаа ч дасан зохицох стратегийг дэмжиж, хэрэгжүүлж байгаа гэдгийг хэллээ. 

Тэрээр сар шинийн баяраар хөл хорио тогтоох шаардлагагүй гэдгийг онцлов. 

Шадар сайд С.Амарсайхан "Эрдэмтдийн зөвлөлөөс гаргасан санал хүсэлтийг шийдвэр мэтээр мэдээлж байгаа асуудал гарч байгаа ч эцсийн шийдвэр биш гэдгийг сануулмаар байна. Сурагчдыг цахимаар хичээллэх асуудлыг ЭМЯ-тай ярилцаж, хуралдаж байж эцсийн шийдвэрийг гаргана. Ойрын хугацаанд шийдвэрийг гаргана. 

Засгийн газраас сар шинийн баярыг гэр, гэртээ тэмдэглэхийг иргэддээ уриалж байгаа. Ах, дүү амраг садангаараа айлчилж халдварын эрсдэлд өртөн, нийтээрээ халдварын тохиолдлыг нэмэгдүүлэхгүйгээр, цахимаар золголт хийхийг уриалж байна.

Мөн сар шинийн баярт зориулсан бөхийн барилдааныг зохион байгуулна. Гэхдээ халвар хамгааллын өндөр түвшинд, вакцинаа хийлгэсэн, шинжилгээ өгсөн, урьдчилан сэргийлэх арга хэмжээ авагдсан, халдвар хамгааллын өндөр түвшинд хийх нь зүйтэй гэж үзэж байгаа. Тиймээс сар шинийн баярт зориулсан бөхийн барилдаан болно гэж ойлгох хэрэгтэй. 

Халдварын нөхцөл байдалтай холбоотой асуудлууд байнга төлөвлөгдөж, цаг үе эрсдэлтэйгээ уялдаад явж байгаа. Тохиолдлын тоо нэмэгдэж 4, 5 мянгад хүрэх эрсдэл байна гэж харж байгаа. Хэрвээ эмнэлгийн ачаалал нэмэгдэж, халдвар хяналтаас гарах хэмжээнд хүрвэл тухайн үед нь тодорхой хорио цээр, хязгаарлалтыг ярихаас өөр аргагүйд хүрнэ" гэлээ.