Монгол улсын нийслэл агаарын бохирдол, хөрсний бохирдолд өртөөд олон жилийг үдэж байна. Үе үеийн эрх баригчид утааг бууруулах, арилгах, түгжрэлийг бууруулах, арилгах төлөвлөгөөгөө танилцуулж, мөрийн хөтөлбөртөө хавсаргаж хэвлэж иргэдэд үзүүлснээр сонгогдох боломж нэмэгддэг гэдэгт хэлсдэхгүй.

Сайшруулсан шахмал түлшийг нийслэлд нэвтрүүлснээр хойш багагүй хугацааг өнгөрүүлж байна. Гэвч энэ жил утаа багассангүй. Иргэд толгой өвдөх, дотор муухарах шинж тэмдэг их байна гэж цахим хуудаснаа нийтэлсээр байгаа. 

Улмаар нийслэл хотоо "үхлийн хөндий" хэмээн нэрийдээд буй. "Үхлийн хөндий"-н иргэд өдөр бүр утаан дунд тарчилж байгаагаа бичиж, хаана хандахаа мэдэхгүй, утааны эсрэг тэмцэж байгаад сураг алдарсан нэгнээ хүртэл хайж эхэлжээ. 

Гэвч гал дээр тос нэмж Нийслэлийн Агаар, орчны бохирдлын асуудал хариуцсан төслүүдийн удирдагч Д.Ихбаяр "Сайжруулсан түлшний үнэ хямд байгаагаас иргэд их түлж байна" гэж иргэдийг дапаалав.

Тэрээр агаарын бохирдол ихсэж байгаа талаар ийн тайлбарлав.

Д.Ихбаяр "Сайжруулсан түлшний үнэ хямд байна. Ийм учраас иргэд илүү ирээх түлж байна. Мөн зуухны чанар муудсан байна. Бас айл өрхүүдийн галлагаа буруу явж байна. Уугилт их байна. Сайжруулсан шахмал түлшний үнэ хямд байгаа учраас айл өрхүүд их түлээд байна уу гэсэн байдал ажиглагдаж байгаа" гэсэн юм.