Ерөнхийлөгч У.Хүрэлсүх өнөөдөр төрийн дээд одон, медаль гардуулж байна. Салбар салбартаа хийж бүтээснээрээ үнэлэгдсэн 40 орчим хүн төрийн дээд одон медаль хүртэж байна.
Үүнд:
-
МҮОНТ-ийн ММ агентлагийн тоймч Жигжидсүрэнгийн Алтангэрэл Соёлын гавьяат зүтгэлтэн;
-
"Никитон" хамтлагийн даралтат хөгжимчин, хөгжмийн найруулагч Батмөнхийн Чинбат Урлагийн гавьяат зүтгэлтэн;
-
Чөлөөт уран бүтээлч, дуучин, поп дива Сүрэнжавын Наранд Гавьяат жүжигчин цол хүртээлээ.
Шагнал гардуулсны дараа Ерөнхийлөгч У.Хүрэлсүх "Олон улсын нэр хүндтэй уралдаан тэмцээнүүдэд эх орноо төлөөлөн амжилттай оролцож, таван хэлээр бие даасан цомог гаргасан, олон арван уран бүтээлээрээ ард түмнийхээ сэтгэл зүрхэнд хоногшин дуурссан, орчин үеийн страд урлаг, рок поп урлагийн гол төлөөлөл болсон уран бүтээлч Сүрэнжавын Наранг Монгол Улсын гавьяат жүжигчин цолоор шагналаа" гэсэн юм.
Шагнал гардаж авсныхаа дараа Поп дива, дуучин С.Наран "Ёстой сэтгэлдээ төсөөлж байсангүй. Бүх зүйлд чин сэтгэл байх ёстой юм байна гэж бодлоо. Маш их зүйл төлөвлөлөө. Намайг дэмждэг, хайрладаг хэн бүхэнд баярлалаа. Улам ихийг хийж, зөв үлгэр үзүүлэх ёстой юм байна. Маш их хариуцлага дагаж ирж байна гэж бодлоо" гэлээ.
