Өнөөдөр орой 18:00 цагаас төв талбайд манлай начин Э.Энхбат агсны дурсгалыг хүндэтгэж зул өргөнө.

Улсын начин Э.Энхбат нь өөрийн багийн найз, Хөдөлмөрийн баатар Н.Түвшинбаярт зодуулсны улмаас тархиндаа ноцтой гэмтэл авч удаан хугацааны эмчилгээ хийлгэж байсан билээ

Хэргийн талаар эргэн сануулахад, өнгөрөгч дөрөвдүгээр сарын 2-нд Н.Түвшинбаяр согтууруулах ундаа хэрэглэсэн үедээ начин Э.Энхбатыг зодож, хүнд гэмтээсэн үндэслэлээс цагдан хоригдож байгаад хилийн хориг тавиулан суллагдаж, чөлөөтэй явж байсан юм. Эл өдрөөс хойш хэргийг шалгасаар арванхоёрдугаар сарын 23-нд шүүхийн урьдчилсан хэлэлцүүлэг болсон ч хэргийг прокурорын хяналтад буцаасан.

Хэргийг шалгах хугацаанд Э.Энхбат начныг БНСУ-д эмчлүүлж байсан тус улсын эмч нарын зүгээс найдваргүй гэдэг хариу авч, түүнийг эх оронд нь авчраад удаагүй байсан билээ.

Талийгаачийн гэр бүл, төрөл төрөгсөд, найз нөхдөд гүн эмгэнэл илэрхийлье.