Улсын начин Э.Энхбатын бие, эрүүл мэндэд ноцтой гэмтэл учруулсан Хөдөлмөрийн баатар Н.Түвшинбаярт холбогдох хэргийг прокурорт буцаажээ.

Тодруулбал, Хан-Уул дүүргийн Прокурорын газраас Н.Түвшинбаярт холбогдох хэргийг дахин хянаж, яллах дүгнэлт үйлдэн өнгөрсөн баасан гаригт тус дүүргийн Эрүүгийн хэргийн анхан шатны шүүхэд шилжүүлсэн байна. Гэвч хэргийн материал дутуу байсан учир буцаагджээ.

Хэргийг эргэн сануулахад, Н.Түвшинбаяр нь Монгол Улсын өсөх идэр начин Э.Энхбатын биед хүнд гэмтэл учруулсан байдаг.

Улмаар гэмт хэрэгт яллагдагчаар татан, цагдан хорьж байсан. Үүнээс нэг сар гаруйн дараа шүхээс прокурорын санал, яллагдагчийн болон хохирогчийн өмгөөлөгч нарын гаргасан саналыг давхар харгалзан, мөн хэргийн нөхцөл байдалтай уялдуулан Н.Түвшинбаярт авсан цагдан хорих арга хэмжээг өөрчлөн суллаж, түүнд холбогдох эрүүгийн хэргийг шийдвэрлэж дуустал хилээр гарахыг хязгаарлах таслан сэргийлэх арга хэмжээ аваад байсан юм.